На 15 ноември 2016 во ЕУ Инфо Центар Скопје се оддржа панел дискусија на тема „Граѓански иницијативи за промена на закони“, каде Инклузива го презентира документот за Јавна политика: СОСТОЈБА И ПРЕДЛОГ- МЕРКИ ЗА ДОПОЛНИТЕЛНА ЗДРАВСТВЕНА И СОЦИЈАЛНА ЗАШТИТА НА ЛИЦАТА СО ПОПРЕЧЕНОСТ И НИВНИТЕ СЕМЕЈСТВА. Овој документ ги содржи наодите од истражувањето кој го спроведовме во изминатиот период, но и конкретните законски измени за кои ќе се залагаме во идниот период пред новиот собраниски состав.
Најважната препорака од овој документ е, Владата итно треба да превземе мерки и активности за измени во постоечката законска регулатива од областа на здравствена заштита, со што ќе допринесе лицата со попреченост непречено да користат бесплатна и квалитетна здравствена и социјална заштита без ограничувања по однос на нивната возраст, вид и степен на попреченост како и ограничувања во однос на приходи во семејство.
Во законската регулатива за социјална заштита да превземе мерки и активности за измени и дополнувања, со кои на биолошките семејства кои имаат член со повисок степен на попреченост ќе им се овозможи да ги уживаат истите права од областа на социјална заштита како и згрижувачките семејства кои згрижуваат деца/лица со ист степен на попреченост, преку добивање на статус родител – неговател